وفاقی اردو یونیورسٹی کی پروفیسر راشدہ ماہین ملک کا سرائیکی کلام
………………………………………………….
میڈے نال توں لحظہ کھڑ تاں سئی
میڈے من مندر وچ وڑ تاں سئی
تیکوں رج کے سانول ڈیکھ گھناں
چلو کہیں مسلے تے اڑ تاں سئی
میکوں پیار نہ کر میڈے سامنے بہے
اونویں یار دوبارہ لڑ تاں سئی
میڈے دل دا تیکوں حال ڈیسن
میڈے نین نشیلے پڑھ تاں سئی
جیویں ہجر دی اگ وچ میں سڑدی
ڈیکاں میڈے وانگوں سڑ تاں سئی
میکوں اپنے دل دی مندھری وچ
تو وانگ نگینے جڑ تاں سئی
میڈا دل دلدار ولاونڑ لئی
کوئی پیار کہانی گھڑ تاں سئی
ماہین دے وانگوں عشق دیاں
ڈوں پوڑیاں توں وی چڑھ تاں سئی
ماہی…

حصہ